Adigadigo aasalu reputhu

అదిగదిగో ఆశలు రేపుతూ ఎదురుగ వాలే ఎన్నో వర్ణాలు
ఇదిగిదిగో కలలను చూపుతూ ఎదలను ఏలే ఏవో వైనాలు

ఎగిరొచ్చే ఆ గువ్వలో చిగురించే ఈ నవ్వులా
సాగే సావాసం...
ప్రతి హృదయంలో ఆ కల నిజమైతే ఆపేదెలా
పొంగే ఆనందం...

కలైనా ఇదివో కధైనా రచించే ఏవో రాగాలే

ఈ సమయం ఏ తలపులనో తన గురుతుగ విడిచెళ్తుందో
ఈ మనసుకు జత ఏదంటే తను ఏమని బదులిస్తుందో

వరమనుకో దొరికిన జీవితం
ఋతువులు వేసే రంగుల ఓ చిత్రం

ఈ పయనం ఏ మలుపులో తన గమ్యం నే చేరునో
చూపే దారేది....
వరించే ప్రతి క్షణాన్ని జయించే స్నేహం తోడవనీ

తన గూటిని వెదికే కళ్ళు
గమనించవు ఎద లోగిళ్ళు
తలవంచిన మలి సంధ్యల్లో
సెలవడిగెను తొలి సందళ్ళు