Ee pagalu reyiga


ఈ పగలు రేయిగ పండు వెన్నెలగ
మారినదేమి చెలి..ఆ కారణమేమి చెలి
వింత కాదు నా చెంతనున్నది
వెండి వెన్నెల జాబిలి..నిండు పున్నమి జాబిలి

మనసున తొనికే చిరునవ్వెందుకు
పెదవుల మీదికి రానీవు
మనసున తొనికే చిరునవ్వెందుకు
పెదవుల మీదికి రానీవు
పెదవి కదిపితే మదిలో కదిలే
మాట తెలియునని మానేవు

వెండి వెన్నెల జాబిలి..నిండు పున్నమి జాబిలి

కన్నులు తెలిపే కధలనెందుకు
రెప్పలార్చి ఏమర్చేవు
కన్నులు తెలిపే కధలనెందుకు
రెప్పలార్చి ఏమర్చేవు
చెంపల పూసే కెంపులు నాతో
నిజము తెలుపునని జడిసేవు

వెండి వెన్నెల జాబిలి..నిండు పున్నమి జాబిలి

అలుక చూపి అటువైపు తిరిగితే
అగుపడదనుకుని నవ్వేవు
అలుక చూపి అటువైపు తిరిగితే
అగుపడదనుకుని నవ్వేవు
నల్లని జడలో మల్లెపూలు
నీ మవ్వులకర్ధము చూపేను

వెండి వెన్నెల జాబిలి..నిండు పున్నమి జాబిలి

http://youtube.com/watch?v=s53pdqFvUB4

Comments

Popular posts from this blog

Teliyani raagam palikindi

janaki ramula kalyananiki

Repalle vechenu